TMC New Karachi 12.09.2024 Meeting with SSWMB

TMC New Karachi 12.09.2024 Meeting with SSWMB

بلدیاتی سہولیات کی فراہمی کے لئے چیئرمین نیو کراچی ٹاؤن محمد یوسف کی سربراہی میں اجلاس کا انعقاد۔

اجلاس میں سندھ سالڈ ویسٹ مینجمنٹ بورڈ کے افسران،یونین کمیٹی کے چیئرمینز و وائس چیئرمینز کی شرکت۔

 مسائل کو حل کرنے کے لئے عوامی خدمت کے ادارے اپنی ذمہ داریاں پوری کریں۔چیئرمین نیو کراچی ٹاؤن محمد یوسف

صاف ستھرے ماحول کی فراہمی کے لئے SSWMB   ڈمپنگ پوائنٹس کو آبادیوں سے باہر منتقل کرے۔چیئرمین محمد یوسف

سندھ سالڈ ویسٹ مینجمنٹ بورڈ،نیو کراچی ٹاؤن انتظامیہ کے باہمی تعاون سے کام کرنا چاہتا ہے۔ ایگزیکٹیو ڈائریکٹر SSWMB   طارق نظامانی

مورخہ:12 /ستمبر  2024 

 اہلیان نیو کراچی ٹاؤن کو صحت مند ماحول کی فراہمی کے لئے چیئرمین محمد یوسف کی سربراہی میں اجلاس کا انعقاد، اجلاس میں وائس چیئرمین نیو کراچی ٹاؤن شعیب بن ظہیر،یونین کمیٹی کے چیئرمینز و وائس چیئرمینز،سندھ سالڈ ویسٹ مینجمنٹ بورڈ کے ایگزیکٹیو ڈائریکٹر طارق نظامانی،جنرل منیجر آپریشن سجاد نور،ڈپٹی ڈائریکٹر SSWMB   عادل ہاشمی اورٹاؤن کے افسران کی بڑی تعداد نے شرکت کی۔اجلاس کا آغاز تلاوت قرآن پاک سے ہوا،چیئرمین نیو کراچی ٹاؤن محمد یوسف نے اجلاس سے خطاب کرتے ہوئے کہا کہ نیو کراچی ٹاؤن کے بلدیاتی مسائل کو حل کرنے کے لئے عوامی خدمت کے ادارے اپنی ذمہ داریاں پوری کریں،سندھ سالڈ ویسٹ مینجمنٹ بورڈ عوام کو صاف ستھرے ماحول کی فراہمی کے لئے ڈمپنگ پوائنٹس کو آبادیوں سے باہر منتقل کرے تاکہ عوام کو بدبودار ماحول سے نجات مل سکے، چیئرمین محمد یوسف نے کہا کہ ہمیں اس بات کی خوشی ہے کہ سندھ سالڈ ویسٹ مینجمنٹ بورڈ کے ایگزیکٹیو ڈائریکٹر طارق نظامانی آج ہمارے درمیان موجود ہیں اور ٹاؤن انتظامیہ کے ساتھ باہمی تعاون اور اشتراک کی بات کررہے ہیں اُمید کی جاسکتی ہے کہ بہت جلد عوام کو صحت مند ماحول کی فراہمی کے ساتھ گھر گھر سے کچرا اُٹھانے کے معاہدے کو بھی عملی جامہ پہنایا جائے گا، چیئرمین محمد یوسف نے کہا کہ عوام کو صحت مند ماحول کی فراہمی اور مسائل کے حل کے لئے منتخب بلدیاتی نمائندے اور اُن کی ٹیم ہر اُس ادارے کے ساتھ تعاون کے لئے تیارہے جس سے عوام کے مسائل حل کئے جاسکیں۔بعد ازاں یونین کمیٹی کے چیئرمیز نے اپنے علاقوں میں موجود بلدیاتی مسائل سے آگاہ کیا۔اس موقع پر سندھ سالڈ ویسٹ مینجمنٹ بورڈ کے ایگزیکٹیو ڈائریکٹرطارق نظامانی نے کہا کہ چیئرمین نیو کراچی ٹاؤن اور اُن کی ٹیم کے ساتھ مل کرجلد نیو کراچی ٹاؤن کو کچرے سے پاک کرکے خوشگوار ماحول کی فراہمی کو یقینی بنایا جائے گا۔سندھ سالڈ ویسٹ مینجمنٹ بورڈ اور ٹاؤن انتظامیہ ایک دوسرے کے تجربے سے فائدہ اُٹھا کر اہلیان نیو کراچی ٹاؤن کے مسائل کو کم کرسکتے ہیں۔ہم ہر سطح پر باہمی تعاون و اشتراک کے ساتھ آگے بڑھنے کا ارادہ رکھتے ہیں جس کے لئے آئندہ اجلاس میں حکمت عملی مرتب کی جائے گی۔

TMC New Karachi 12.09.2024 Meeting with SSWMB

TMC New Karachi 11.09.2024 Chairman meeting with Ulma regarding 12 rabi ul awal

TMC New Karachi Chairman meeting with Ulma regarding 12 rabi ul awal 11th September 2024

 چیئرمین نیو کراچی ٹاؤن سے اہل سنت و جماعت کے علماء کرام کی ملاقات۔

ملاقات میں جشن ِعید میلادالنبیؐ کے حوالے سے کئے جانے والے انتظامات کا جائزہ لیا گیا۔

12 ربیع الاوّل کے موقع پر گلی گلی سے عاشقانے رسول ؐ کی جانب سے جلوس نکالے جاتے ہیں۔چیئرمین نیو کراچی ٹاؤن محمد یوسف

آقائے دو جہاں ؐ کی ولادت کے موقع پر ٹاؤن انتظامیہ بلدیاتی سہولیات کی فراہمی میں کوئی کسر نہیں چھوڑے گی۔چیئرمین محمد یوسف

نیو کراچی ٹاؤن کی جانب سے جشن عیدمیلادالنبیؐ کے موقع پر کئے جانے والے پیشگی انتظامات پر اطمینان کا اظہار۔علماء کرام

چیئرمین نیو کراچی ٹاؤن اور اُن کی ٹیم بلا تفریق رنگ و نسل و مذہب اپنی خدمات فراہم کررہی ہے۔علماء کرام

مورخہ:11 /ستمبر 2024

نیو کراچی ٹاؤن کے علماء کرام و جلوس کمیٹی کے وفدنے چیئرمین نیو کراچی ٹاؤن محمد یوسف سے ملاقات کی۔ملاقات میں جشن ِعید میلادالنبیؐ کے حوالے سے کئے جانے والے انتظامات کا جائزہ لیا گیا۔اس موقع پر وائس چیئرمین نیو کراچی ٹاؤن شعیب بن ظہیر،پارک کمیٹی نیو کراچی ٹاؤن عمران فقیر،یوسی وائس چیئرمین عمران شفیق،محکمہ بی اینڈ آر کے انجینئر فیصل صغیرو دیگر افسران بھی موجود تھے۔چیئرمین نیو کراچی ٹاؤن محمد یوسف نے وفد سے گفتگو کرتے ہوئے کہا کہ آقائے دو جہاں سر ور قائنات خاتم النبیین حضرت محمد مصطفی ﷺکی ولادت با سعادت کے موقع پر نیو کراچی ٹاؤن کی جانب سے بلدیاتی سہولیات کی فراہمی کے ساتھ عاشقانے رسول ؐ کے ساتھ مکمل تعاون کو یقینی بنایا جائے گا۔انہوں نے کہا کہ اللہ تبارک و تعالیٰ کے محبوب پیغمبرؐ کی ولادت کا جشن ِعید میلادالنبی ؐ تما م دنیا کے مسلمان نہایت عقیدت اور مذہبی جذبے کے ساتھ مناتے ہیں۔ اس دن کی مناسبت سے تمام اہل اسلام کو چاہیئے کہ سنت نبوی ؐ کی پیروی کریں کیونکہ سنت نبوی پر عمل پیرا ہوکر ہی ہم حُبِ محمد کا اظہار کرسکتے ہیں۔انہو ں نے کہا کہ نیو کراچی ٹاؤن میں 12 ربیع الاوّل کے موقع پر گلی گلی سے عاشقانے رسول ؐ کی جانب سے جلوس اور ریلیاں نکالی جاتی ہیں جس میں مسلمان آقا محمد ﷺ سے اپنی محبت اور عقیدت کا اظہار کرتے ہیں۔چیئرمین محمد یوسف نے کہا کہ ماہ ربیع الاوّل کا چاند نظر آتے ہی نیو کراچی ٹاؤن کی انتظامیہ بلدیاتی کاموں میں مصروف ہے اور الحمد اللہ تقریباً اسی فیصد کام مکمل ہوچکا ہے۔ انہوں نے مزید کہا کہ مساجدکے اطراف صفائی ستھرائی کا عمل تواتر سے جاری ہے جشن ِعید میلادالنبیؐ کے موقع پر نکلنے والے جلوس کی گزرگاہوں کو ہموار کرکے روشنی کے خصوصی انتظامات کئے جارہے ہیں تاکہ عاشقانہِ رسولؐ کو 12 ربیع الاوّل کے موقع پر کسی قسم کی دشواری کا سامنا نا ہو۔اس موقع پر علماء کرام کے وفد نے اپنے مسائل سے آگاہ کیا چیئرمین محمد یوسف نے ان کے موجودہ مسائل کو فوری حل کرنے کا یقین دلاتے ہوئے کہا کہ ہماری پوری کوشش ہے کہ جشن ِعید میلادالنبیؐ سے قبل نیو کراچی ٹاؤن کی انتظامیہ انشاء اللہ تمام بلدیاتی مسائل کو حل کرلے گی۔ اس موقع پر علماء کرام کے وفد نے ٹاؤن کی جانب سے جشن عیدمیلادالنبیؐ کے موقع پر کئے جانے والے پیشگی انتظامات پر اطمینان کا اظہارکرتے ہوئے کہا کہ چیئرمین محمد یوسف اور اُن کی ٹیم بلا تفریق رنگ و نسل و مذہب اپنی خدمات فراہم کررہی ہے۔

TMC New Karachi Chairman meeting with Ulma regarding 12 rabi ul awal 11th September 2024

TMC New Karachi 10.09.2024 Visit Chairman Sector 11-F New Karachi

TMC New Karachi 10.09.2024 Visit Chairman Sector 11-F New Karachi

چیئرمین نیو کراچی ٹاؤن پینے کے صاف پانی کی منصفانہ فراہمی اور سیوریج کے بنیادی مسائل کو حل کرنے کے لئے میدان عمل میں موجود۔

 نیو کراچی ٹاؤن کے مسائل کوحل کرنے اور صاف ستھرے ماحول کی فراہمی کا بیڑا اُٹھایا ہے۔چیئرمین نیو کراچی ٹاؤن محمد یوسف

 عوامی خدمت کے ادارے نیو کراچی ٹاؤن کی بحالی میں اپنا بھر پورکردار ادا کریں۔چیئرمین محمد یوسف

مورخہ:10 /ستمبر  2024  ؁ء

 کراچی ( ) چیئرمین نیو کراچی ٹاؤن محمد یوسف نے عوام کے بنیادی بلدیاتی مسائل کو حل کرنے کے لئے شب روز مصروف ہیں۔ پینے کے صاف پانی کی منصفانہ فراہمی اور سیوریج کے بنیادی مسائل کو حل کرنے کے لئے متحرک ہیں۔اہلیان نیو کراچی ٹاؤن نے چیئرمین محمد یوسف کی کاوشوں کو سراہا اور منتخب بلدیاتی نمائندوں کو خراج تحسین پیش کیا۔تفصیلات کے مطابق چیئرمین نیو کراچی ٹاؤن محمد یوسف نے سیکٹر الیون ایف حنفیہ مسجد کے اطراف نئی ڈالی جانے والی سیوریج لائن کا معائنہ کیا اس موقع پر وائس چیئرمین شعیب بن ظہیر یونین کمیٹی نمبر 09 کے چیئرمین عباس شیخ، وائس چیئرمین حنظلہ انور قریشی اور کونسلر بھی موجود تھے۔چیئرمین نیو کراچی ٹاؤن محمد یوسف نے عوام سے گفتگو کرتے ہوئے کہا کہ حنفیہ مسجد کے اطراف  نئی ڈالی جانے وای سیوریج لائن سے برسوں پرانا سیوریج کا مسئلہ ختم ہوجائے گااور مسجد کے اطراف گندے پانی کا اجتماع نہیں ہوگا۔انہوں نے کہا کہ عوامی شکایات پر نیو کراچی ٹاؤن کے مختلف علاقوں میں پینے کے صاف پانی اور سیوریج کی ناکارہ لائنوں کو تبدیل کیا جارہا ہے،ہماری کوشش ہے کہ عوام کے درمیان رہ کر ان کے مسائل کو جلدحل کیا جائے اور الحمد اللہ نیو کراچی ٹاؤن میں اس حوالے سے تیزی کے ساتھ کام جاری ہے اور بہت جلد انشاء اللہ نیو کراچی ٹاؤن مسائل سے پاک اور خوبصورت ٹاؤن میں شمار ہوگا۔انہوں نے مزید کہا کہ عوام کے مسائل سے آگاہی کے لئے ہم نے یونین کونسل کی سطح پر کھلی کچہریوں کا انعقاد کیا تھاجہاں عوام نے براہ راست علاقے میں موجود  مسائل سے آگاہ کیا تھا۔عوام کے منتخب بلدیاتی نمائندوں نے نیو کراچی ٹاؤن کے مسائل کوحل کرنے اور صاف ستھرے ماحول کی فراہمی کا بیڑا اُٹھایا۔جس کے لئے عوامی خدمت فراہم کرنے والے ادروں سے مشاورت کے بعد حکمت عملی تیار کی گئی اور واٹر اینڈ سیوریج کارپوریشن کے تعاون سے نیو کراچی ٹاؤن میں موجود ناکارہ پینے کے پانی اور سیوریج لائنوں کو تبدیل کیا جارہا ہے جبکہ ضرورت کے مطابق نئی لائنوں کی تنصیب کا کام بھی جاری ہے۔واضح رہے کہ عوام کو صحت مند ماحول کی فراہمی کے لئے چیئرمین محمد یوسف اور اُن کی ٹیم کی کاوشیں قابل ستائش ہیں جس کے لئے نیو کراچی ٹاؤن میں قائم پارکس و پلے گراؤنڈز کو تزین و آرائش کے بعد بحال کیا جارہا ہے۔ انشاء اللہ پینے کے پانی اور سیوریج لائنوں کی تبدیلی کے بعد نیو کراچی ٹاؤن کی سڑکوں کی مرمت و استر کاری کا کام شروع کیا جائے گا جس کے لئے پلان مرتب کرلیا گیا ہے۔   

TMC New Karachi 10.09.2024 Visit Chairman Sector 11-F New Karachi

TMC New Karachi 09.09.2024 Visit Chairman Sector 11-A North Karachi

TMC New Karachi 09.09.2024 Visit Chairman Sector 11-A North Karachi

چیئرمین محمد یوسف کا  نیو کراچی ٹاؤن کوبلدیاتی مسائل سے پاک بنانے کا عزم۔

نیو کراچی ٹاؤن میں عوام کے مسائل ہنگامی بنیادوں پر حل کئے جارہے ہیں۔چیئرمین نیو کراچی ٹاؤن محمد یوسف

منتخب بلدیاتی نمائندوں کی جانب سے عوام کو بلدیاتی سہولیات کی فراہمی بلا تعطل جاری ہے۔محمد یوسف

بوسیدہ پینے کے پانی اورسیوریج لائنوں کی تبدیلی کا کام روز آنہ کی بنیاد پر جاری ہے۔محمد یوسف

واٹر اینڈ سیوریج کارپوریشن پینے کے پانی اور سیوریج لائنوں کی تبدیلی وتنصیب کا کام ہنگامی بنیادوں پر کرے۔محمد یوسف

مورخہ:09 /ستمبر  2024  ؁ء

 کراچی ( ) چیئرمین محمد یوسف کا  نیو کراچی ٹاؤن کوبلدیاتی مسائل سے پاک بنانے کا عزم۔منتخب بلدیاتی نمائندوں کی جانب سے عوام کو بلدیاتی سہولیات کی فراہمی بلا تعطل جاری ہے۔ان خیالات کا اظہار چیئرمین محمد یوسف نے نارتھ کراچی سیکٹر 11-A  اور نیو کراچی سیکٹر 5-F  میں پینے کے پانی اور سیوریج لائنوں کی تنصیب کے کام کا معائنہ کرتے ہوئے کیا۔اس موقع پروائس چیئرمین نیو کراچی ٹاؤن شعب بن ظہیر،یونین کمیٹی کے چیئرمین عظیم انور،یوسی چیئرمین راجہ عطاء الرحمن و دیگر متعلقہ افسران بھی موجود تھے۔چیئرمین نیو کراچی ٹاؤن نے عوام سے گفتگو کرتے ہوئے کہا کہ صاف پانی انسان کی بنیادی ضرورت ہے اور ان کی بنیادی ضروریات کی فراہمی متعلقہ محکموں کی ذمہ داری ہے۔انہوں نے کہا کہ  سیکٹر 11-A  کی تین گلیاں بہت زیادہ متاثر تھیں جہاں 13  سے 14  سال سے پینے کے صاف پانی کی فراہمی متاثر تھی۔ہم نے علاقہ مکینوں کے مطالبے اور پریشانی کو دیکھتے ہوئے واٹر اینڈ سیوریج کارپوریشن سے اس مسئلے کو حل کرنے کے لئے رابطہ کیا اور آج الحمد اللہ 13  سے 14  سال پرانے اس مسئلے کو حل کیا جارہا ہے۔ اہلیان نیو کراچی ٹاؤن کو بلدیاتی سہولیات کی فراہمی میں کوئی کوتاہی نا برتی جائے۔ محدود وسائل کے باوجود ہم کوشش کررہے ہیں کہ عوام کے درینہ مسائل کو حل کیا جائے اورالحمد اللہ نیو کراچی ٹاؤن کے متعلقہ محکمے اس کے لئے اپنی بہتر خدمات پیش کررہے ہیں جبکہ نیو کراچی ٹاؤن میں روزآنہ کی بنیاد پربوسیدہ پینے کے پانی اور سیوریج لائنوں کی تبدیلی اور تنصیب کا کام جاری ہے جس کے لئے واٹر اینڈ سیوریج بورڈ کارپوریشن بھی اپنی خدمات پیش کررہا ہے۔انہوں نے کہا کہ ضرورت اس بات کی ہے کہ عوامی خدمت کے ادارے ایمانداری سے کام کریں تو عوامی مسائل جلد ختم کئے جاسکتے ہیں۔ہم مسائل کے حوالے سے ان اداروں کے ذمہ داران سے وقتاً فوقتاً ملاقات کررہے ہیں اور انشاء اللہ نیو کراچی ٹاؤن بہت جلد مسائل سے پاک ٹاؤن بن جائے گا۔