Deputy Commissioner District Central Taha is discussing to the officers of KDA KMC regarding the ongoing development works in District
ڈپٹی کمشنر ضلع وسطی طحہ سلیم، ضلع میں جاری ترقیاتی(ڈویلپمنٹ ورکس) کاموں کے حوالے سے کلک ، کے ڈی اے ، کے ایم سی ،کے افسران سے گفتگو کر رہے ہی
DC Central Taha Saleem 13.09.2024 Anti polio
DC Central Taha Saleem 13.09.2024 Anti polio
Deputy Commissioner Central Taha Saleem planted his share of saplings in Brilliant Career Grammar School North Nazimabad during the plantation campaign 'Each one plants one' in collaboration with All Private School Management Association and Deputy Commissioner Central.
All Private School Management Association Chairman Syed Tariq Shah and others are also present on this occasion
ڈپٹی کمشنر سینٹرل طحہ سلیم نے آل پرائبیویٹ اسکول مینجمنٹ ایسوسی ایشن اور ڈپٹی کمشنر سینٹرل کے اشتراک سے جاری شجر کاری مہم Each one plants one مہم کے دوران بریلینٹ کیرئیر گرامر اسکول نارتھ ناظم آباد میں اپنے حصے کا پودا لگایا
اس موقع پر آل پرائیویٹ اسکول مینجمنٹ ایسوسی ایشن کے چئیرمین سید طارق شاہ و دیگر بھی موجود ہیں
DC Central Taha Saleem 12.09.2024 Plantation
TMC New Karachi 12.09.2024 Meeting with SSWMB
بلدیاتی سہولیات کی فراہمی کے لئے چیئرمین نیو کراچی ٹاؤن محمد یوسف کی سربراہی میں اجلاس کا انعقاد۔
اجلاس میں سندھ سالڈ ویسٹ مینجمنٹ بورڈ کے افسران،یونین کمیٹی کے چیئرمینز و وائس چیئرمینز کی شرکت۔
مسائل کو حل کرنے کے لئے عوامی خدمت کے ادارے اپنی ذمہ داریاں پوری کریں۔چیئرمین نیو کراچی ٹاؤن محمد یوسف
صاف ستھرے ماحول کی فراہمی کے لئے SSWMB ڈمپنگ پوائنٹس کو آبادیوں سے باہر منتقل کرے۔چیئرمین محمد یوسف
سندھ سالڈ ویسٹ مینجمنٹ بورڈ،نیو کراچی ٹاؤن انتظامیہ کے باہمی تعاون سے کام کرنا چاہتا ہے۔ ایگزیکٹیو ڈائریکٹر SSWMB طارق نظامانی
مورخہ:12 /ستمبر 2024
اہلیان نیو کراچی ٹاؤن کو صحت مند ماحول کی فراہمی کے لئے چیئرمین محمد یوسف کی سربراہی میں اجلاس کا انعقاد، اجلاس میں وائس چیئرمین نیو کراچی ٹاؤن شعیب بن ظہیر،یونین کمیٹی کے چیئرمینز و وائس چیئرمینز،سندھ سالڈ ویسٹ مینجمنٹ بورڈ کے ایگزیکٹیو ڈائریکٹر طارق نظامانی،جنرل منیجر آپریشن سجاد نور،ڈپٹی ڈائریکٹر SSWMB عادل ہاشمی اورٹاؤن کے افسران کی بڑی تعداد نے شرکت کی۔اجلاس کا آغاز تلاوت قرآن پاک سے ہوا،چیئرمین نیو کراچی ٹاؤن محمد یوسف نے اجلاس سے خطاب کرتے ہوئے کہا کہ نیو کراچی ٹاؤن کے بلدیاتی مسائل کو حل کرنے کے لئے عوامی خدمت کے ادارے اپنی ذمہ داریاں پوری کریں،سندھ سالڈ ویسٹ مینجمنٹ بورڈ عوام کو صاف ستھرے ماحول کی فراہمی کے لئے ڈمپنگ پوائنٹس کو آبادیوں سے باہر منتقل کرے تاکہ عوام کو بدبودار ماحول سے نجات مل سکے، چیئرمین محمد یوسف نے کہا کہ ہمیں اس بات کی خوشی ہے کہ سندھ سالڈ ویسٹ مینجمنٹ بورڈ کے ایگزیکٹیو ڈائریکٹر طارق نظامانی آج ہمارے درمیان موجود ہیں اور ٹاؤن انتظامیہ کے ساتھ باہمی تعاون اور اشتراک کی بات کررہے ہیں اُمید کی جاسکتی ہے کہ بہت جلد عوام کو صحت مند ماحول کی فراہمی کے ساتھ گھر گھر سے کچرا اُٹھانے کے معاہدے کو بھی عملی جامہ پہنایا جائے گا، چیئرمین محمد یوسف نے کہا کہ عوام کو صحت مند ماحول کی فراہمی اور مسائل کے حل کے لئے منتخب بلدیاتی نمائندے اور اُن کی ٹیم ہر اُس ادارے کے ساتھ تعاون کے لئے تیارہے جس سے عوام کے مسائل حل کئے جاسکیں۔بعد ازاں یونین کمیٹی کے چیئرمیز نے اپنے علاقوں میں موجود بلدیاتی مسائل سے آگاہ کیا۔اس موقع پر سندھ سالڈ ویسٹ مینجمنٹ بورڈ کے ایگزیکٹیو ڈائریکٹرطارق نظامانی نے کہا کہ چیئرمین نیو کراچی ٹاؤن اور اُن کی ٹیم کے ساتھ مل کرجلد نیو کراچی ٹاؤن کو کچرے سے پاک کرکے خوشگوار ماحول کی فراہمی کو یقینی بنایا جائے گا۔سندھ سالڈ ویسٹ مینجمنٹ بورڈ اور ٹاؤن انتظامیہ ایک دوسرے کے تجربے سے فائدہ اُٹھا کر اہلیان نیو کراچی ٹاؤن کے مسائل کو کم کرسکتے ہیں۔ہم ہر سطح پر باہمی تعاون و اشتراک کے ساتھ آگے بڑھنے کا ارادہ رکھتے ہیں جس کے لئے آئندہ اجلاس میں حکمت عملی مرتب کی جائے گی۔
TMC New Karachi 12.09.2024 Meeting with SSWMB
TMC liaquatabad Chairman Faraz Haseeb meeting with officers regarding 12 Rabi ul awal 11th Sep 2024
TMC New Karachi Chairman meeting with Ulma regarding 12 rabi ul awal 11th September 2024
چیئرمین نیو کراچی ٹاؤن سے اہل سنت و جماعت کے علماء کرام کی ملاقات۔
TMC New Karachi 10.09.2024 Visit Chairman Sector 11-F New Karachi
چیئرمین نیو کراچی ٹاؤن پینے کے صاف پانی کی منصفانہ فراہمی اور سیوریج کے بنیادی مسائل کو حل کرنے کے لئے میدان عمل میں موجود۔
نیو کراچی ٹاؤن کے مسائل کوحل کرنے اور صاف ستھرے ماحول کی فراہمی کا بیڑا اُٹھایا ہے۔چیئرمین نیو کراچی ٹاؤن محمد یوسف
عوامی خدمت کے ادارے نیو کراچی ٹاؤن کی بحالی میں اپنا بھر پورکردار ادا کریں۔چیئرمین محمد یوسف
مورخہ:10 /ستمبر 2024 ء
کراچی ( ) چیئرمین نیو کراچی ٹاؤن محمد یوسف نے عوام کے بنیادی بلدیاتی مسائل کو حل کرنے کے لئے شب روز مصروف ہیں۔ پینے کے صاف پانی کی منصفانہ فراہمی اور سیوریج کے بنیادی مسائل کو حل کرنے کے لئے متحرک ہیں۔اہلیان نیو کراچی ٹاؤن نے چیئرمین محمد یوسف کی کاوشوں کو سراہا اور منتخب بلدیاتی نمائندوں کو خراج تحسین پیش کیا۔تفصیلات کے مطابق چیئرمین نیو کراچی ٹاؤن محمد یوسف نے سیکٹر الیون ایف حنفیہ مسجد کے اطراف نئی ڈالی جانے والی سیوریج لائن کا معائنہ کیا اس موقع پر وائس چیئرمین شعیب بن ظہیر یونین کمیٹی نمبر 09 کے چیئرمین عباس شیخ، وائس چیئرمین حنظلہ انور قریشی اور کونسلر بھی موجود تھے۔چیئرمین نیو کراچی ٹاؤن محمد یوسف نے عوام سے گفتگو کرتے ہوئے کہا کہ حنفیہ مسجد کے اطراف نئی ڈالی جانے وای سیوریج لائن سے برسوں پرانا سیوریج کا مسئلہ ختم ہوجائے گااور مسجد کے اطراف گندے پانی کا اجتماع نہیں ہوگا۔انہوں نے کہا کہ عوامی شکایات پر نیو کراچی ٹاؤن کے مختلف علاقوں میں پینے کے صاف پانی اور سیوریج کی ناکارہ لائنوں کو تبدیل کیا جارہا ہے،ہماری کوشش ہے کہ عوام کے درمیان رہ کر ان کے مسائل کو جلدحل کیا جائے اور الحمد اللہ نیو کراچی ٹاؤن میں اس حوالے سے تیزی کے ساتھ کام جاری ہے اور بہت جلد انشاء اللہ نیو کراچی ٹاؤن مسائل سے پاک اور خوبصورت ٹاؤن میں شمار ہوگا۔انہوں نے مزید کہا کہ عوام کے مسائل سے آگاہی کے لئے ہم نے یونین کونسل کی سطح پر کھلی کچہریوں کا انعقاد کیا تھاجہاں عوام نے براہ راست علاقے میں موجود مسائل سے آگاہ کیا تھا۔عوام کے منتخب بلدیاتی نمائندوں نے نیو کراچی ٹاؤن کے مسائل کوحل کرنے اور صاف ستھرے ماحول کی فراہمی کا بیڑا اُٹھایا۔جس کے لئے عوامی خدمت فراہم کرنے والے ادروں سے مشاورت کے بعد حکمت عملی تیار کی گئی اور واٹر اینڈ سیوریج کارپوریشن کے تعاون سے نیو کراچی ٹاؤن میں موجود ناکارہ پینے کے پانی اور سیوریج لائنوں کو تبدیل کیا جارہا ہے جبکہ ضرورت کے مطابق نئی لائنوں کی تنصیب کا کام بھی جاری ہے۔واضح رہے کہ عوام کو صحت مند ماحول کی فراہمی کے لئے چیئرمین محمد یوسف اور اُن کی ٹیم کی کاوشیں قابل ستائش ہیں جس کے لئے نیو کراچی ٹاؤن میں قائم پارکس و پلے گراؤنڈز کو تزین و آرائش کے بعد بحال کیا جارہا ہے۔ انشاء اللہ پینے کے پانی اور سیوریج لائنوں کی تبدیلی کے بعد نیو کراچی ٹاؤن کی سڑکوں کی مرمت و استر کاری کا کام شروع کیا جائے گا جس کے لئے پلان مرتب کرلیا گیا ہے۔
TMC New Karachi 10.09.2024 Visit Chairman Sector 11-F New Karachi
DC Central 10.09.2024 Ijlas regarding 12 Rabi ul awal by Taha Saleem Deputy Commissioner Karachi
ڈپٹی کمشنر سینٹرل طحہ سلیم کی زیر صدارت جائزہ اجلاس کا انعقاد
جشن عید میلاد النبی ﷺ انتہائی عقید ت و احترام اور پرامن طور پرمنایا جائے گا -ڈپٹی کمشنر سینٹرل
۔صفائی ستھرائی ،سیکورٹی، روشنی پانی کی فراہمی اور ٹریفک مینجمنٹ سمیت شہری و بلدیاتی سہولیات کی فراہمی کے خصوصی انتظامات کئے جائیں گے -طحہ سلیم
مورخہ 10/ستمبر 2024ء
ڈپٹی کمشنر ضلع وسطی طحہ سلیم کی زیر صدارت کراچی ڈینٹل اینڈ میڈیکل کالج نارتھ ناظم آباد میں ایک اجلاس منعقد ہوا اجلاس میں ضلع وسطی میں جشن عید میلا د النبی صلی اللہ علیہ وسلم کے موقع پر کئے جانے والے انتظامات کا جائزہ لیا گیا ڈپٹی کمشنر وسطی طحہ سلیم نے کہا کہ دنیا بھر کے مسلمان١٢ ربیع الاول کو جشن عید المیلاد النبی انتہائی عقیدت و احترام سے مناتے ہیں اسی طرح ضلع وسطی میں جشن عید المیلاد النبی صلی اللہ علیہ وسلم کو عقیدت و احترام اور پر امن طور پر منانے کے لئے شہری انتظامیہ کی جانب سے بہترین انتظامات کئے جارہے ہیں
انہوں نے کہا کہ ضلع وسطی میں جشن عید المیلاد النبی صلی اللہ علیہ وسلم کے موقع پر اہلیان ضلع وسطی کو شہری و بلدیاتی سہولیات مہیا کرنے کے لئے ہر ممکنہ اقدامات کئے جارہے ہیں انہوں نے کہا کہ آج کا اجلاس ایک مشاورتی اجلاس ہے جس میں ضلع وسطی سے تعلق رکھنے والے علماء کرام ،مشائخ ،مساجد و امام بارگاہوں ،محافل میلاد اور جلوس کے منتظمین سے مشاورت کرکے انتظامات کو حتمی شکل دی جائے گی اس موقع پر اجلاس میں شریک علماء کرام اور منتظمین محفل میلاد و جلوس نے اپنے اپنے علاقوں کے مسائل سے آگاہ کیا جبکہ ٹاون انتظامیہ و دیگر اداروں کی جانب سے کئے جانے والے انتظامات کے حوالےسے ڈپٹی کمشنر کو آگاہی دی اس موقع پر ڈپٹی کمشنر نے تمام متعلقہ اداروں کو ہدایت کی کہ وہ ایک دوسرے کےساتھ رابطے میں رہیں انھوں نے متعلقہ اداروں کو ہدایت کی کہ وہ جشن عید میلاد النی صلی اللہ علیہ وسلم کے موقع پر شہری و بلدیاتی سہولیات کی فراہمی کے ساتھ ساتھ امن و امان قائم رکھنے کے لئے سیکورٹی اہلکاروں کی تعیناتی اور ٹریفک مینجمنٹ سمیت تمام تر سہولیات کی فراہمی کو یقینی بنائیں ۔ اجلاس میں ضلع وسطی سے تعلق رکھنے والےمختلف مکاتب فکر علماء کرام،مشائخ، مساجد و امام بارگاہوں،محفل و جلوس کمیٹیز کے منتظمین ،ضلع وسطی نارتھ ناظم آباد ٹاون،نیو کراچی ٹاون اور گلبرگ ٹاون کے چئیرمینز، ،ضلع وسطی کے ایڈیشنل ڈپٹی کمشنر I عاصم عباسی، پانچوں ڈویژن کے اسسٹنٹ کمشنرز،کے الیکٹرک ،واٹر اینڈ سیوریج بورڈ ،سندھ سالڈ ویسٹ منجمنٹ بورڈ ،سندھ پولیس ،پاکستان رہنجرز کے افسران بھی شریک تھے اس موقع پر ڈپٹی کمشنر سینٹرل نے متعلقہ اداروں کے سربراہان کو ہدایت دی کہ جشن عید المیلادالنبی کے موقع پر امام بارگاہوں، مساجد اور جلوس کے راستوں پر صفائی ستھرائی،روڈ کارپیٹنگ سمیت دیگر انتظا مات علما کرام اور منتظمین کی مشاورت سے کئے جائیں
Deputy Commissioner of Central District Taha Saleem inaugurated the campaign by administering polio drops to the children
Polio is a life-long disability, to protect your children from polio disease, it is mandatory to administer polio drops, said Deputy Commissioner Taha Saleem
Polio campaign was started from Children Hospital Shadman North Nazimabad Town
ضلع وسطی میں انسد اد پولیو مہم کا آغاز
ڈپٹی کمشنر ضلع وسطی طحہ سلیم نے بچوں کو پولیو سے بچاو کے قطرے پلا کر مہم کا افتتاح کیا
پولیو عمر بھر کی معذوری ہے اپنے بچوں کو پولیو کے مرض سے بچانے کے لیے پولیو کے قطرے لازمی پلوائیں ، ڈپٹی کمشنر طہ سلیم
پولیو مہم کا آغازچلڈرن ہسپتال شادمان نارتھ ناظم آباد ٹاون سے کیا گیا
مورخہ :- 9/,ستمبر 2024
ضلع وسطی میں آج مورخہ 9/ستمبر سے شروع ہونے والی انسداد پولیو مہم کا افتتاح ڈپٹی کمشنر ضلع وسطی طحہ سلیم نے گورنمنٹ چلڈرن ہسپتال شادمان نارتھ ناظم آباد ٹاون میں پانچ سال سے کم عمر کے بچوں کو پولیو سے بچاو کی ویکسین کے قطرے پلا کرپولیو مہم (SIAs) کا افتتاح کیا اس موقع پر گورنمنٹ چلڈرن ہسپتال کے MS ,اسسٹنٹ کمشنر نارتھ ناظم آباد حمیر احمد،ہیلتھ آفیسر سینٹرل ڈاکٹر سہیل میمن ،WHO کے ایریا کوآرڈینیٹر ڈاکٹر ایاز شیخ ،این اسٹاف آفیسر ڈاکٹر زین العابدین بھائیو ،ضلع وسطی کے سیکیورٹی فوکل پرسن فضل اکبر ڈسٹرکٹ کمیونیکیشن افیسر عظمی خان اور ٹاون ہیلتھ آفیسر ڈاکٹر ذوالفقار بھی موجود تھے اس موقع پر ڈپٹی کمشنر ضلع وسطی طحہ سلیم نے والدین سے اپیل کی کہ وہ اپنے پانچ سال سے کم عمر کے بچوں کو ہر بار پولیو سے بچاو کے قطرے ضرور پلائیں اور اپنے بچوں کو عمر بھر کی معزوری سے بچائیں انہوں نے کہا کہ پولیو ورکرز کی ٹیمیں گھر گھر پہنچ کر آپ کے بچوں کو پولیو سے بچاو کے قطرے پلارہی ہیں ٹیمیں نا آنے کی صورت میں انتظامیہ کو آگاہ کریں اس موقع پر دیگر مقررین نے بھی پولیو کی بیماری کے سنگین نتائج کے حوالے سے حاضرین کو آگاہی فراہم کی واضح رہے کہ مذکورہ پولیو مہم 9 ستمبر سے 15 ستمبر تک جاری رہے گی پولیو مہم میں 1717پولیو ورکرز حصہ لے رہے ہیں ضلع وسطی میں تقریبا 3 لاکھ 85 ہزار پانچ سال سے کم عمر بچوں کو پولیو ویکسین کے قطرے پلانے کا ہدف مقرر کیا گیا ہے ،
TMC New Karachi 09.09.2024 Visit Chairman Sector 11-A North Karachi
چیئرمین محمد یوسف کا نیو کراچی ٹاؤن کوبلدیاتی مسائل سے پاک بنانے کا عزم۔
نیو کراچی ٹاؤن میں عوام کے مسائل ہنگامی بنیادوں پر حل کئے جارہے ہیں۔چیئرمین نیو کراچی ٹاؤن محمد یوسف
منتخب بلدیاتی نمائندوں کی جانب سے عوام کو بلدیاتی سہولیات کی فراہمی بلا تعطل جاری ہے۔محمد یوسف
بوسیدہ پینے کے پانی اورسیوریج لائنوں کی تبدیلی کا کام روز آنہ کی بنیاد پر جاری ہے۔محمد یوسف
واٹر اینڈ سیوریج کارپوریشن پینے کے پانی اور سیوریج لائنوں کی تبدیلی وتنصیب کا کام ہنگامی بنیادوں پر کرے۔محمد یوسف
مورخہ:09 /ستمبر 2024 ء
کراچی ( ) چیئرمین محمد یوسف کا نیو کراچی ٹاؤن کوبلدیاتی مسائل سے پاک بنانے کا عزم۔منتخب بلدیاتی نمائندوں کی جانب سے عوام کو بلدیاتی سہولیات کی فراہمی بلا تعطل جاری ہے۔ان خیالات کا اظہار چیئرمین محمد یوسف نے نارتھ کراچی سیکٹر 11-A اور نیو کراچی سیکٹر 5-F میں پینے کے پانی اور سیوریج لائنوں کی تنصیب کے کام کا معائنہ کرتے ہوئے کیا۔اس موقع پروائس چیئرمین نیو کراچی ٹاؤن شعب بن ظہیر،یونین کمیٹی کے چیئرمین عظیم انور،یوسی چیئرمین راجہ عطاء الرحمن و دیگر متعلقہ افسران بھی موجود تھے۔چیئرمین نیو کراچی ٹاؤن نے عوام سے گفتگو کرتے ہوئے کہا کہ صاف پانی انسان کی بنیادی ضرورت ہے اور ان کی بنیادی ضروریات کی فراہمی متعلقہ محکموں کی ذمہ داری ہے۔انہوں نے کہا کہ سیکٹر 11-A کی تین گلیاں بہت زیادہ متاثر تھیں جہاں 13 سے 14 سال سے پینے کے صاف پانی کی فراہمی متاثر تھی۔ہم نے علاقہ مکینوں کے مطالبے اور پریشانی کو دیکھتے ہوئے واٹر اینڈ سیوریج کارپوریشن سے اس مسئلے کو حل کرنے کے لئے رابطہ کیا اور آج الحمد اللہ 13 سے 14 سال پرانے اس مسئلے کو حل کیا جارہا ہے۔ اہلیان نیو کراچی ٹاؤن کو بلدیاتی سہولیات کی فراہمی میں کوئی کوتاہی نا برتی جائے۔ محدود وسائل کے باوجود ہم کوشش کررہے ہیں کہ عوام کے درینہ مسائل کو حل کیا جائے اورالحمد اللہ نیو کراچی ٹاؤن کے متعلقہ محکمے اس کے لئے اپنی بہتر خدمات پیش کررہے ہیں جبکہ نیو کراچی ٹاؤن میں روزآنہ کی بنیاد پربوسیدہ پینے کے پانی اور سیوریج لائنوں کی تبدیلی اور تنصیب کا کام جاری ہے جس کے لئے واٹر اینڈ سیوریج بورڈ کارپوریشن بھی اپنی خدمات پیش کررہا ہے۔انہوں نے کہا کہ ضرورت اس بات کی ہے کہ عوامی خدمت کے ادارے ایمانداری سے کام کریں تو عوامی مسائل جلد ختم کئے جاسکتے ہیں۔ہم مسائل کے حوالے سے ان اداروں کے ذمہ داران سے وقتاً فوقتاً ملاقات کررہے ہیں اور انشاء اللہ نیو کراچی ٹاؤن بہت جلد مسائل سے پاک ٹاؤن بن جائے گا۔
